CPE Wales Tech Week Webinar Series

Fel rhan o Wythnos Dechnoleg Cymru gan Technology Connected, mae'r Ganolfan Arbenigedd Ffotoneg (CPE) yn falch o fod yn cymryd rhan drwy gyfres o weminarau.

Mae'r Ganolfan Arbenigedd Ffotoneg (CAFf) yn rhaglen cydweithio ddiwydiannol dan arweiniad pedair Prifysgol yng Nghymru sy'n gweithio gyda chwmnïau yng Nghymru i wella neu ddatblygu cynnyrch a phrosesau newydd i fod o fudd i'w busnes.

Mae CAFf yn gweithio gyda chwmnïau i ddarparu datrysiadau peirianneg yn seiliedig ar dechnolegau golau (ffotoneg) er mwyn monitro rheoli ansawdd, gwella'r llinell gynhyrchu a datblygu prototeipiau.

Nid oes cost i'r cwmni, dim ond eu hymrwymiad o ran amser i'r cydweithrediad gan sicrhau canlyniad yn seiliedig ar fusnes.

Bydd cyfres gweminar CPE yn dangos:

Beth all CPE ei wneud i gefnogi busnesau megis micro fentrau a busnesau bach a chanolig?
Yr ystod o adnoddau peirianneg a'r cyfleusterau o'r radd flaenaf sydd ar gael i fusnesau
Datrysiadau syml i arloesedd blaengar
Astudiaethau achos o'n cydweithrediadau ar draws Cymru

Ymunwch â ni a chofrestru ar gyfer y digwyddiadau canlynol

Dydd Mawrth 14 eg Gorffennaf, 10.30-11.00

Bydd prif bartner CPE, Prifysgol Glyndŵr Wrecsam, yn dangos yr ystod o gyfleusterau optig manwl arbenigol sydd ar gael yn y Ganolfan Technoleg OpTIC yn Llanelwy. Yn y mis nesaf, bydd y safle hwn yn gartref i gyfleuster cotio dan wactod o'r radd flaenaf a fydd yn caniatáu cwmnïau i ddatblygu cynnyrch a phrosesau technoleg haen denau. Bydd Dr David Coathup a Dr John Mitchell yn trafod y galluoedd yn y ganolfan ynghyd â rhai astudiaethau achos.

Cofrestrwch yma: “Datblygwch eich cynnyrch, prosesau a thechnoleg gyda'r CAFf”

Dydd Mawrth 14 eg Gorffennaf, 14.00-15.30

Mae ein tîm CPE ym Mhrifysgol Bangor yn arbenigwyr mewn technegau delweddu uwch a phrosesu laser, p'un a yw'n torri, weldio, ysgythru neu weadu arwyneb. Yn ystod y weminar hon, a gynhelir gan ysgol cyfrifiadureg a pheirianneg electronig (SEECS) Prifysgol Bangor, bydd Dr James Wang yn trafod cyfleusterau eu labordy ac astudiaethau achos CPE i ddangos effaith y dechnoleg hon.

Cofrestrwch yma: “Ymchwil ffotoneg flaengar ym Mhrifysgol Bangor”

Dydd Mercher 15 fed Gorffennaf, 12.15-12.45

Yn cael ei gynnal gan rwydwaith busnes Cyfnewidfa Prifysgol De Cymru, bydd Rheolwr Datblygu Busnes CPE, Hazel Hung, yn mynd i'r afael â sut a pham y dylai busnesau ymgysylltu â CPE. Nid yw prosiectau cydweithredol drwy CPE bob amser yn ymwneud ag arloesedd blaengar ac yn aml, mae datrysiadau syml oddi ar y silff neu wedi'u haddasu'n rhannol yn fwy na digon.

Cofrestrwch yma: “Cymorth Ymchwil a Datblygu wedi'i ariannu gyda CAFf”

Categorïau

Cofnodion Diweddar